15. октомври 2025
Centar.mk – Вести, бизнис, забава, спорт…
МАКЕДОНИЈАвест

Филипче: Обединување за доброто на скопјани или ќе го преиспитаме учеството во Советот

Градот Скопје се наоѓа во хаос, а граѓаните страдаат од последиците на нефункционалноста на јавниот превоз и натрупаниот смет. Ова е оцената на претседателот на СДСМ, Венко Филипче, кој ја најави иницијативата на неговата партија за итна седница на Советот на Град Скопје.
„Скопје не заслужува ваква негрижа и хаос. Градот реално се наоѓа во криза и побарав од советничката група на СДСМ да иницира итна седница на Советот на Град Скопје. Ги повикувам сите советници, без разлика на партиската припадност, да застанат зад ова барање и да се одржи оваа седница во најкус рок,“ изјави Филипче.

СДСМ најавува конкретни предлози со кои ќе се стави крај на кризата, истакнувајќи дека обединувањето на сите советници и политички партии е клучно.„Ќе предложиме конкретни мерки кои верувам дека заеднички ќе ги поддржат сите советници и конечно да им се излезе во пресрет на граѓаните. Потребно е обединување заради интересите на скопјани,“ нагласи тој.

Претседателот на СДСМ предупреди дека доколку овој обид за акција биде блокиран, партијата ќе размисли за напуштање на Советот на Град Скопје. „Нема да бидеме параван за лошите политики што го уништуваат нашиот град,“ рече Филипче.
СДСМ апелира до сите политички субјекти во Советот да покажат одговорност и да застанат на страната на граѓаните. Граѓаните на Скопје, велат од партијата, заслужуваат функционален и чист град, а не хаос и неработење.

Можеби ќе ве интересира

Филипче од Гостивар: Национализмот на ДПМНЕ му служи за прикривање на нивната неспособност

ДЕСК

Левица: Уставен суд не бил надлежен за уставноста – Левица оди во Стразбур за цензурата!

ДЕСК

Премиерот Мицкоски оствари средба со претседателката на Европската комисија, Урсула фон дер Лајен

ДЕСК
error: Соддржината е заштитена.