Кинеската канцеларија за прашања на Тајван денеска објави дека новиот претседател на островската држава Лаи Чинг-те испратил опасни сигнали кои ги поткопуваат мирот и стабилноста во регионот.
Обраќајќи ѝ се на толпата пред претседателската канцеларија во центарот на Тајпеј, Лаи повика на разговори со Кина, која го смета демократскиот остров за своја територија и не ја отфрли можноста за употреба на сила за да го врати под своја контрола.
„Исто така, сакам да ја повикам Кина да престане политички и воено да го заплашува Тајван и да ја земе со себе глобалната одговорност за одржување на мирот и стабилноста во Тајванската Теснина и во регионот со цел да се обезбеди свет без страв од избувнување војна“, рече тој.
Кинеската канцеларија за прашања на Тајван рече дека зборовите на Лаи „целосно ја откриле неговата вистинска природа како застапник на независноста на Тајван“ додавајќи дека ситуацијата во каналот што ги дели Кина и Тајван е „комплицирана и мрачна“. „Независноста на Тајван не е компатибилна со мирот во Тајванската Теснина“, се вели во соопштението.
„Колку и да се менува ситуацијата на островот, кој и да е на власт, тоа нема да го промени фактот дека и двете страни припаѓаат на иста Кина“, се заклучува./Извор:Makfax
