19. септември 2025
Centar.mk – Вести, бизнис, забава, спорт…
МАКЕДОНИЈАвест

ДПМНЕ и Орце Ѓорѓиевски за 2 години имаат 0 резултати во Кисела Вода, велат од СДСМ

-После 2 години локална власт на ДПМНЕ во над 40 општини и во градот Скопје јасно е дека ДПМНЕ не ја оправда довербата и ги разочараа граѓаните, соопшти СДСМ.

„ДПМНЕ не ги оствари ветените проекти во изборните програми.

По две години во Кисела Вода останаа нереализирани ветувањата на градоначалникот Орце Ѓорѓиевски за нова Поликлиника, нова Противпожарна станица и ново основно училиште.

Ѓорѓиевски не го исполни ниту ветувањето пред граѓаните за гасификација на училиштата. Нема нов спортски центар со базен, а салата Расадник се распаѓа комплетно. Нема ниту нов стационар за кучиња, нема нови монтажни паркинзи, нема ниту нови мерни станици.

Единствените проекти за кои се слика Орце Ѓорѓиевски се од централната власт на СДСМ.

Бројни се нереализираните ветувања на Орце Ѓорѓиевски пред граѓаните.

Но затоа Орце Ѓорѓиевски може да го видиме на слики со скап часовник. Прашањето е од каде му се толку пари и кога успеа да ги заработи?

ДПМНЕ не се грижи за граѓаните, туку само за себе.

Градоначалниците на ДПМНЕ ги разочараа граѓаните.“ – се вели во соопштението.

Можеби ќе ве интересира

Утрото ведро и посвежо, преку денот сончево

C +

Каранфилова Пановска: Владата на ВМРО-ДПМНЕ е директно одговорна за еколошкиот хаос во Вардариште и Дрисла

C +

Каранфилова Пановска: Тошковски мора да сноси одговорност за серијата трагични случаи во изминатите 15 месеци

C +