Два танкера пријавиле удари од неидентификувани проектили во областа на Ормускиот Теснец и источно од Оман, според информации што ги пренесува британскиот центар за поморска безбедност UKMTO. Кај првиот брод избувнал помал пожар и дошло до прекин на електричната енергија, по што пожарот бил изгаснат и пловилото ја продолжило пловидбата.
Неколку часа подоцна бил пријавен уште еден напад врз танкер источно од Оман. Во двата случаи засега нема пријавени жртви ниту загадување на морето. UKMTO не соопштил кој стои зад нападите ниту каков тип проектили бил употребен, а истрагите продолжуваат.
