Изборот пред државата и граѓаните е интеграција во ЕУ и подобар животен стандард или изолација, стагнација и економско уназадување, соопшти СДСМ.
„Интеграцијата, со членство во ЕУ носи економска стабилност и раст, вклучување во единствениот европски пазар, пристап до голем број бенефиции, фондови и инвестиции од ЕУ за развој на инфраструктурата, земјоделството, образованието, здравството.
Членството во ЕУ води кон посилна демократска стабилност и правна сигурност, кон повисок животен стандард, поголеми плати и пензии.
Во изминатиот период СДСМ неколку пати ја зголеми минималната плата на 21.000 денари, која сега е двојно и повеќе поголема во однос на ДПМНЕ. Просечната плата од 22.000 ја качи на досега историски највисока вредност од 37.000 денари, просечната пензија е за 40 отсто повисока.
Успешните економски политики заедно со интеграциските политики даваат резултат. Со членството во Европската Унија овие економски резултати ќе бидат значително поголеми.
Во првите 5 години од членството работниците ќе имаат повисоки плати од 70 до 100 проценти.
ДПМНЕ со своите неразумни постапки ги блокира европските перспективи на граѓаните, блокира повисок животен стандард, поголеми плати и пензии.
Одлагањето или одбивањето на членство во ЕУ води во меѓународна изолација, економска нестабилност, неспроведување на структруни реформи, масовно иселување на граѓаните, пред се на младите.
СДСМ е посветена на интеграцијата и членството во ЕУ, за подобар живот на граѓаните.
Блокадите на ДПМНЕ мора да бидат поразени.“ – се вели во соопштението.
