Мерцедесот е пронајден, а познат е идентитетот на возачот кој е во бегство откако прегази мајка и 11 годишно девојче кое загина синоќа во нешто по 22 часот на пешачки премин во Велес.
29-годишниот А.Н. од Велес кој синоќа побегна од местото на несреќата и натаму бега од полицијата.
Како што информираа надлежните вчера вечерта автомобил марка мерцедес удрил во мајка и ќерка, при што 11 годишното девојче починало на лице место, а нејзината мајка со повреди е пренесена во болница. Таа денес е пуштена на домашно лекување.
За време на несреќата телото на 11 годишното девојче излетало дури на следниот пешачки премин, што е значително растојание, а лицето во мерцедесот со голема брзина побегнало од местото на несреќата.
