Кога сакаме да направиме нешто добро за нашето здравје, обично почнуваме да се храниме поздраво, а цвеклото е меѓу првите намирници на нашето мени.
Овој зеленчук содржи необоени минерали и витамини, а еден исклучително редок во растителната храна, Б12. Го олеснува варењето и се препорачува за оние кои сакаат да ослабат, има само 40 калории во 100 грама.
Го намалува нивото на лошиот холестерол, го штити срцето и крвните садови. Тоа е лек за анемија бидејќи содржи висок процент на железо, како и фолна киселина која учествува во синтезата на црвените крвни зрнца.
– Цвеклото и покрај многуте позитивни својства може да му наштети на организмот, вели Ирина Бородина. Луѓето кои страдаат од гастритис не треба да го консумираат ниту свежо, ниту варено, бидејќи тоа ќе ги зголеми симптомите. Исто така, цвеклото содржи големо количество на калциум оксалат, па затоа треба да се користи со претпазливост кај болните од уролитијаза – тврди таа, додека рускиот лекар Михаил Кутушов предупредува дека може да предизвика алергиски реакции.
– Поради големото количество на хлор во составот, прекумерното консумирање на цвекло може да предизвика иритација на слузокожата, пецкање и воспаление на грлото. Ако чувството на печење не исчезне подолго време, тоа значи дека дошло до алергиска реакција. Може да се појават осип, отекување на органите за дишење, зголемување на лимфните јазли, дури и треска – рече тој и посочи дека е особено штетно во комбинација со лук.
