18.8 C
Скопје
28. март 2024
Centar.mk – Вести, бизнис, забава, спорт…
МАКЕДОНИЈА

Министерот за образование и наука Јетон Шаќири ќе учествува на Самитот на ОН за трансформација на образованието

Министерот за образование и наука Јетон Шаќири ќе учествува на Самитот за трансформација на образованието, што од 16 до 19 септември ќе се одржи во Њујорк, САД. Самитот, свикан од генералниот секретар на Обединетите Нации, има за цел да мобилизира на глобална политичка акција, барање решенија и покажување солидарност во пост-пандемискиот период, насочени кон подобрување на квалитетот на образованието.

На образовните системи им е неопходно преобмислување, за да можат да ги совладаат загубите во учење предизвикани од пандемијата, да воспостават механизми за совладување на идни предизвици, да овозможат еднаквост и вклученост, како и квалитет и релевантност. Просперитетна иднина на децата и младите се гради преку образование кое се темели на колективен стремеж за мир, правда, човекови права и одржлив развој и затоа Самитот претставува исклучителна можност на едно место да се презентираат и слушнат глобални искуства, актуелни состојби и предизвици, како и стратегии за градење на квалитетно образование за 21 век.

На Самитот за трансформација на образованието му претходеше претсамит во седиштето на Организацијата за образование, наука и култура на ОН (УНЕСКО) во Париз, Франција, во јуни годинава, каде министерот Шаќири посочи дека Владата на Северна Македонија не само што овозможи континуитет на воспитно-образовниот процес за време на пандемијата, туку во овој период ја иницираше и ја почна најкрупната образовна реформа. Тој укажа дека националното образование се трансформира во систем кој ги пресретнува барањата на современото дигитално општество, преку нови наставни програми и материјали за учење кои етапно се воведуваат, а промените се фокусираат и на релацијата ученик-наставник како и на подобрувањето на образовната инфраструктура.

Во рамки на подготовките за Самитот, Министерството за образование и наука со поддршка од УНИЦЕФ спроведе национални консултации со сите релевантни чинители за тоа како треба да изгледа образованието во државата во иднина: со граѓанскиот сектор, со пратениците, со претставниците на локалните самоуправи, а беше организирана и визионерска работилница со претставници на младите.

Владата на Северна Македонија и Министерството за образование и наука остануваат посветени на градење национален образовен систем кој учи на знаења и вештини неопходни во 21 век и создава училишта кои се инклузивна, безбедна и правична средина за децата и младите.

Спонзорирано:

Можеби ќе ве интересира

Германски министер за економија: На Украина ѝ се потребни 350 милијарди долари за реконструкција

M T

Путин и Џинпинг ќе се сретнат следната недела на самитот во Узбекистан

M T

Ковачевски на Самитот „Отворен Балкан“: Низ конкретни чекори ја унапредуваме регионалната соработка, на патот кон ЕУ – Отворен Балкан е функционална иницијатива

M T

Премиерот Ковачевски денеска ќе учествува на лидерскиот Самит „Отворен Балкан“ во Белград

M T

Претседателите на Кина и Русија во ноември на самит Г20

M T

Португалскиот министер за надворешни: Во политиката не е целта да се постигне се, туку она што е возможно

M T