Претседателот Стево Пендаровски со сопругата ќе присуствуваат на државниот погреб на Кралицата Елизабета Втора, што ќе се одржи на 19 септември 2022 година (понеделник) во Лондон, соопштија од кабинетот на претседателот.
На државниот погреб на кралицата на Велика Британија, Елизабета Втора, се очекуваат да присуствуваат голем број шефови на држави и влади од целиот свет, како и дел европски кралици и кралеви.
Кралицата почина во четвртокот на возраст од 96 години. Нејзиниот син, принцот Чарлс стана нов крал на Велика Британија, Чарлс Трети.
