Чешлањето мокра коса, прекумерната употреба на пегла за коса и фигаро, честото боење придонесуваат за оштетување на вашата коса.
Кога ни треба промена, најчесто одлучуваме да ја смениме бојата на косата. Ништо не менуваме драстично, но промената е очигледна и се чувствуваме свежи. Меѓутоа, за да го добиеме посакуваниот ефект по боењето, главен предуслов е нашата коса да биде здрава и негувана.
Тест во три чекори:
1. Одделете едно праменче од косата со прстите и исправете го.
2. Посипете неколку капки вода на праменот и гледајте колку време и е потребно на косата да ја впие водата.
3. Ако косата впие вода за помалку од десет секунди, тогаш надворешниот дел од косата е оштетен и не е паметно да ја фарбате. Ако капките останат на праменот и по десет секунди, вашата коса е во добра форма и подготвена за експериментирање.
Совет:
За да и го вратите стариот сјај на вашата коса, неопходно е да ја минимизирате нејзината изложеност на високи температури. Особено, избегнувајте фенирање на косата веднаш по миењето, бидејќи косата е најподложна на оштетување кога е влажна.
