Резултатите во живо може да се следат преку Centar.mk со клик на овој линк.
„Многупати сме покажале дека не ги делиме општините на мали и големи, на рурални и урбани, туку дека инвестираме секаде рамномерно, за да се развиваат сите општини. А Маврово и Ростуше ќе продолжи да се развива со новата локална власт предводена од СДСМ и Медат Куртовски“ изјави премиерот и претседател на СДСМ, Димитар Ковачевски на почетокот на кампањта за локалните избори во Маврово и Ростуше.
Тој додаде дека Владата и институциите предводени од СДСМ ќе ја поддржат посветеноста на градоначалникот Куртовски во име на граѓаните.
„Mаврово и Ростуше е посебна, уникатна општина која со својата природна раскошност, културна разноликост и традиција е препознатлив бренд на нашата држава и многу пошироко. Различните верски и етнички заедници кои живеат овде се богатство на државата и потврда дека концептот за едно општество живеел овде со векови и дека ќе продолжи да живее. Важно е Маврово и Ростуше да продолжи да се развива како модерна, еколошка и европска општина која ги користи сите свои потенцијали“ рече Ковачевски.
Претседателот на СДСМ најави дека во програмата на градоначалникот Куртовски има многу капитални проекти од резервоари за вода и водоводи во Маврово, нови улици и паркинг во Ростуше и Скудриње, пат во Велебрдо, Присојница, Битуше, Јанче, реконструкција на училишни згради, осветлувања, спортски терени и многу други работи, важни за жителите на општината.
