16.8 C
Скопје
13. август 2022
Centar.mk – Вести, бизнис, забава, спорт…
Македонија

Вархеји очекува Скопје и Тирана во наредните денови да ги отворат пристапните преговори со ЕУ

Говорејќи пред членовите на Европскиот парламент и парламентите на земјите на патот кон членство во ЕУ, еврокомесарот за проширување Оливер Вархеји изјавил дека во сегашниот променет геополитички контекст, Западен Балкан останува приоритет за ЕУ, пишуваат српските медиуми.

„Посветени сме, повеќе од кога било, да го внесеме целиот регион во ЕУ. Сега е поважно од кога било да работиме на тоа не само брзо, туку и со сета посветеност и волја“, кажал тој.

Еврокомесарот за проширување изјавил дека очекува Скопје и Тирана „во наредните денови“ да одржат меѓувладини конференции и да ги отворат пристапните преговори.

Според него, поддршката на ЕУ за Западен Балкан се рефлектира не само во процесот на пристапување, туку и во заедничкиот пристап на ЕУ за механизмите за набавка на храна и енергија, како и во Европскиот економски инвестициски план, кој треба да му донесе на регионот до 30 милијарди евра во инвестиции.

„Без соодветна регионална соработка, без разлика дали преку Берлинскиот процес, заедничкиот регионален пазар или отворениот Балкан, земјите од регионот не можат да имаат корист од економскиот инвестициски план. Секој што ја поткопува или блокира регионалната соработка, врз основа на правилата на ЕУ и со присуство на ЕУ, го поткопува економскиот и инвестицискиот план и напредокот на регионот“, заклучил Вархеји.

Можеби ќе ве интересира

Еве во која европска земја луѓето работат најмалку и најмногу отсуствуваат од работа

M T

195 санкционирани возачи во Скопје, 50 возачи на мотоцикли

M T

СДСМ: Мицкоски и Апасиев се осамени против ЕУ

M T

136 санкционирани возачи во Скопје, 65 за брзо возење

M T

Орбан: Воениот план на ЕУ не успеа

M T

171 санкционирани возачи во Скопје, 42 за брзо возење

M T