-Историска радосна вест објави српскиот Патријарх Порфириј дека Светиот архиерејски собор на Српската православна црква едногласно во пресрет на барањето на Македонската православна црква – Охридска архиепископија ја благословува и одобрува афтокефалноста на МПЦ-ОА.
На денот кога ги славиме Светите браќа Кирил и Методиј рамноапостолни, се потврди вековната вистина на нашиот македонски народ, соопшти вицепремиерот Бојан Маричиќ
.
– После 55 години, сплотеноста е повторно онаа која ни дава мир и сила за да продолжиме напред. Со денешната радосна вест се прекршува долгогодишната изолација со која се соочуваше Република Северна Македонија.
Со денешното радосно решение, МПЦ – Охридска архиепископија станува неискоренлив дел во евхаристиското служење, општење и причестување со својата јерархија, клирот и народот, во големото трло на Православието. Со денешната вистина, се потврди автокефалноста на МПЦ – ОА.
Со голема радост и задоволство ја примив денешната вест и сакам да се заблагодарам на истрајноста, вербата, надежта и молитвите на свештенството, монаштвото, и верниот народ на МПЦ-ОА.
Негувањето на политиките на добрососедство и меѓусебното почитување носат решенија, единство и просперитетна иднина.
Имаме на што да сме горди, сега е време за радување, соопшти Маричиќ.
ПОПУЛАРНО НА ИНТЕРНЕТ...
