Времето денеска ќе биде сончево и топло со мала до умерена локална облачност. Ќе дува слаб до умерен ветер од северозападен правец. Минималната температура ќе биде во интервал од 6 до 13, а максималната ќе достигне од 24 до 31 степен.
Во Скопје претежно сончево и топло со слаб до умерен северен ветер. Минималната температура ќе се спушти до 11, а максималната ќе достигне 30 степени.
Во вторник доцна попладне и кон крајот на денот ќе биде нестабилно со локален пороен дожд и грмежи, особено во северните делови. Локални врнежи од дожд ќе има и во среда, кога дневната температура ќе се намали. Од среда до петок ќе дува засилен северен ветер.
