23. август 2025
Centar.mk – Вести, бизнис, забава, спорт…
ТЕМАМАКЕДОНИЈАТОП ВЕСТИвест

Ковачевски-Шолц: Проширувањето на ЕУ со земјите од Западен Балкан е геостратешко позиционирање во регионот

Претседателот на Владата на Република Северна Македонија Димитар Ковачевски, за време на неговата работна посета на Брисел за учество на состанокот на Северно-атлантскиот совет во рамките на Вонредниот самит на шефови на држави и влади на НАТО, оствари средба со канцеларот на Сојузна Република Германија Олаф Шолц.

Двајцата соговорници на средбата изразија големо задоволство од континуираниот развој на пријателските односи кои се рефлектираат и во економската соработка и трговската размена.

Двајцата шефови на влади ги нагласија заеднички споделените ставови во однос на воената агресија на Русија во Украина, при што премиерот Ковачевски потенцираше дека Северна Македонија се приклучи кон санкциите на ЕУ кон Русија согласно целосната усогласеност со надворешната и безбедносната политика на Брисел.

Премиерот Димитар Ковачевски го информираше канцеларот Шолц за напредокот во дијалогот со Бугарија кој има за цел да го деблокира процесот за свикување на првата меѓувладина конференција меѓу Северна Македонија и Брисел за почеток на преговорите за членство на земјата во ЕУ.

Претседателот на Владата Ковачевски истакна дека војната во Украина покажа дека проширувањето на ЕУ со земјите од Западен Балкан не е само прашање на проширување туку и геостратешко позиционирање во регионот, дека Северна Македонија целосно ги исполни условите за почеток на преговорите со ЕУ и дека граѓаните на земјата очекуваат и Брисел да го исполни својот дел од обврската.

Можеби ќе ве интересира

Полицијата во Скопје го пронајде одземеното девојче од Охрид

ДЕСК

Времето се менува: Синоптичарите излегоа со детална четиридневна прогноза

ДЕСК

Мицкоски тврди дека нивните градоначалници изградиле и реконструирале 770 километри патишта, но и 70 градинки и 274 спортски сали

ДЕСК