25.8 C
Скопје
19. август 2022
Centar.mk – Вести, бизнис, забава, спорт…
Македонија

Петков: Со Северна Македонија ќе разговараме за правата на Бугарите, инфраструктурата, интеграцијата и историјата

Бугарскиот премиер Кирил Петков во видеообраќање вчерашната седница на Советот за национална безбедност ја оцени како навремена и корисна дискусија. Според него, таа покажала дека сите учесници имаат заедничка цел – надминување на застојот во односите со Република Северна Македонија и давање нов почеток во стремежот за добрососедство.

„Сакам да му се заблагодарам на претседателот што вчера го свика Советот, како и на парламентарните групи за нивното учество. Заедно се обединивме за една заедничка цел – добрососедство. Ја потврдивме постојната позиција на Бугарија во нашите односи со Северна Македонија“, рече премиерот.

Според него, даден е нов почеток на дијалогот што треба да се реализира во наредните месеци.

„Во овој нов почеток треба да разговараме за важни прашања за двете земји – за правата на Бугарите во Северна Македонија, заедничката инфраструктура, заедничкиот културен календар, европската интеграција и историјата“, додаде тој.

Според Петков, брз напредок може да се постигне само со напорна работа и заеднички напори.

„Се надевам дека нашите соседи и нашата делегација ќе може да постигнат вистински напредок“, додаде тој.

Петков рече дека овој месец ќе отпатува во Македонија за да покаже дека може да се направи многу повеќе преку конструктивен дијалог отколку што е постигнато во последните години. „Заедно можеме повеќе“, заклучи премиерот.

Можеби ќе ве интересира

Во Македонија не е регистриран случај на мајмунски сипаници

M T

Ковачевски: Република Северна Македонија денес ги започнува преговорите за членство во ЕУ, овој ден е историски, долгоочекуван и заслужен

M T

Груби: Во срцето на Европа ја проектираме европската иднина на Македонија

M T

Фон дер Лајен: Македонија и Албанија денеска ги отвораат пристапните преговори

M T

Историски ден за Република Северна Македонија: Во Брисел започнуваат преговорите за полноправно членство на Северна Македонија во ЕУ

M T

Петков: Идејата за одлука на еден човек е уште еден обид за политички маневри

M T