На денешен ден 13 октомври 2003 година почина Ѓорѓи Колозов, еден од најпознатите актери во Македонија. Најзапаметен е по неговите инзвонредни толкувања на разни типски ликови од народното творештво. Тој зад себе остави многу актерски дела кои и денеска се актуелни пред малите екрани.
Ѓорѓи Колозов беше роден на 26 февруари 1948 година во Богданци. Неговата популарност е резултат на неговото долгогодишно искуство и мошне популарната македонска ТВ серија Македонски народни приказни кои се засновани на збирката Народни преданија издадени во 19 век од собирачите на македонски народни умотворби како Марко Цепенков, Кузман Шапкарев, Ѓорѓи Пулевски и др.
