СДСМ создава иднина која е сигурна и безбедна, порача генералниот секретар на партијата, Љупчо Николовски на трибината во Крива Паланка. Тој додаде дека со СДСМ граѓаните се „на чисто“, затоа што нема фрлање пари на барок и стиропор, додека со Мицкоски никој не знае на што е.
-Со СДСМ имаме држава која јакне. Оваа генерација на политичари гради нов систем на вредности. Ние го зачувавме македонскиот идентитет и јазик и носиме храбри одлуки, рече Николовски.
Тој потсети дека се кратат привилегиите на функционерите за да се градат патишта, болници и паркови, а резултатите од управувањето на СДСМ ќе говорат сами за себе и за педесет години.
-Денеска е историски ден, бидејќи денеска претседателот Зоран Заев ја промовираше најголемата инвестиција во државата од независноста до денес, од 500 милиони евра. Тоа е германска инвестиција, која е од областа на екологијата и ќе се гради во овој крај, нагласи Николовски.
Генералниот секретар на СДСМ потсети на проектите реазлизирани во Крива Паланка, истакнувајќи дека се гради експресниот пат од Коридорот 8 вреден 58 милиони евра, а и конечно, како што вели, се гради долговетуваната железница кон Бугарија, која е конечно реалност.
НАЈЧИТАНО НА ИНТЕРНЕТ...
