20.8 C
Скопје
5. август 2021
Centar.mk – Вести, бизнис, забава, спорт…
Македонија Бизнис

Марија Георгиевска: Пратениците да гласаат за ребалансот на Буџетот, со него се обезбедува поддршка за граѓаните и повисок економски раст

Прес-конференција на Марија Георгиевска, пратеничка на СДСМ:

Денеска пред пратениците е Ребалансот на Буџетот за 2021 година.

Ова е важен документ кој придонесува кон враќање на претходните стапки на економски раст, кој обезбедува поголема поддршка за економијата и граѓаните со крајна цел, целосно надминување на последиците од коронакризата.

Клучните цели на овој ребаланс се повеќе пари за капитални проекти, повеќе пари за здравството, повеќе пари за нови мерки за помош и повеќе пари за нови вработувања.

2,7 милијарди евра се издвојуваат за инвестиции во човечкиот капитал во образованието, здравството и социјалната заштита, што во споредба со периодот од пред три години е повеќе за над половина милијарда евра.

Ги зголемуваме и средствата за активни мерки за вработување, од 1,3 милијарди денари на рекордни 1,66 милијарди денари или 27 милиони евра.

Ова треба да резултира со нови работни места и дополнителен пад на стапката на невработеност која сега е на 16 отсто.

Споредено по области, со овој ребаланс, за земјоделството се обезбедуваат три милијарди денари, заштитата на животната средина се зајакнува преку нова програма за зелен развој со 685 милиони денари, додека за здравството се обезбедуваат дополнителни над шест милијарди денари.

За областа економски работи, каде се вклучени мерките за помош, се обезбедуваат дополнителни 6,8 милијарди денари.

Апелираме до сите пратеници од сите политички партии низ отворена и аргументирана дискусија да го усвојат овој ребаланс, кој е во насока на градење стабилна, развојна економија која ќе продуцира зголемен раст и носи шанса за сите.

Како одговорна, државотворна партија продолжуваме да креираме мерки и политики што значат поголема поддршка за стопанството, инвестиции во капитални проекти и подобар животен стандард за сите граѓани.

Можеби ќе ве интересира

Лидија Тасевска: Ребалансот на Буџетот за 2021 обезбедува повеќе пари за капитални проекти, сите пратеници да го поддржат

M T

Советот на Град Скопје ќе расправа за ребаланс на буџетот за 2021 година

M T

Бисера Костадиновска Стојчевска: ВМРО-ДПМНЕ го кочи ребалансот на Буџетот, се противи на повеќе пари за здравство, образование и социјална заштита

M T