20.8 C
Скопје
5. август 2021
Centar.mk – Вести, бизнис, забава, спорт…
Македонија

Димитров на неформалниот состанок на министри за европски прашања

На покана на словенечкото претседателство со Советот на ЕУ, заменик претседателот на Владата задолжен за европски прашања Никола Димитров ќе учествува на неформалниот состанок на министрите за европски прашања во својство на членови на Советот за општи работи (GAC), кој што денес и утре (22 и 23 јули) се одржува во Љубљана и Брдо кај Крањ.

На состанокот ќе се дискутираат приоритетите на словенечкото претседателство со посебен акцент на политиката на проширување, владеењето на правото и активностите поврзани со Конференцијата за иднината на Европа. Ќе бидат опфатени и теми во контекст на зајакнувањето на отпорноста на Унијата кон кризи, како прашања кои налагаат градење на заеднички координиран пристап.

На маргините на ГАК, предвидено е вицепремиерот Димитров да оствари повеќе билатерални средби со министрите за Европа и надворешни работи од земјите членки на ЕУ и со претседавачот на Советот за општи работи, на кои ќе се покрене прашањето за надминување на предизвиците за отпочнување на преговори со Унијата.

Организирањето на овој настан е во светло на претставените приоритети на словенечкото претседателство за градење на кредибилна и стабилна Унија, за што е неопходно придвижување во процесот на проширување.

Можеби ќе ве интересира

Димитров: Влогот е огромен, ЕУ да нѐ третира со достоинството што го заслужуваме

M T

Димитров од Словенија: Или ќе го вратиме кредибилитетот на ЕУ на Балканот, или ќе го изгубиме

M T

Димитров за „Евроњуз“: Ако македонскиот јазик е причина за тоа да не можеме да се приближиме кон ЕУ, тогаш така и нека биде

M T