8. август 2025
Centar.mk – Вести, бизнис, забава, спорт…
ТЕМАМАКЕДОНИЈАТОП ВЕСТИ

Боганка Кузеска: ВМРО-ДПМНЕ не се менува, тоа е партија заглавена во режимската и насилничка матрица

Прес-конференција, Боганка Кузеска, портпаролка на СДСМ

Почитувани,

ВМРО-ДПМНЕ не се менува. Останува иста, заробена во режимска и насилничка матрица и тоа го покажува на дело.

Со навреди и обиди за физички напади, вчера претниците на ВМРО ДПМНЕ се обидоа да ја блокираат Комисијата за образование наука и спорт.

Пратениците на ВМРО-ДПМНЕ со закани пробаа да ги блокираат измените и дополнувањата на Законот за наставници и стручните соработници во основните и средните училишта и Законот за бирото за развој на образованието.

ВМРО-ДПМНЕ се против над 4.700 наставници и стручни соработници во образованието да добијат трајно вработување. Тие се толку силно против ова трајно решение за наставниците и стручните соработници, што се спремни и со насилство да ги блокираат измените во Законот.

Ниту една боја не може да ги сокрие, ниту да го промени деструктивниот карактер на ВМРО-ДПМНЕ на чело со Христијан Мицкоски. Со какви нови бои и да се премачкаат, тие остануваат исти – партија која блокира, кочи, брани криминал – партија која работи против интересите на граѓаните и на државата.

Во недостаток на идеи и конструктивност , крадат концепти и слогани од СДСМ, лицемерно претставувајќи се како нови со нови политики пред граѓаните.

Почитувани,

Нема ниту Н од нови политики во ВМРО-ДПМНЕ.

И Христијан Мицкоски и пратениците на ВМРО-ДПМНЕ во Собранието се лажат дека со навреди, закани и насилство ќе успеат да ги спречат реформите кои се во интерес на граѓаните.

Парламентарното мнозинство предводено од СДСМ нема да дозволи наставниците, стручните соработници, ниту било кој друг граѓанин да биде заложник на нереформираното и дестуктивно ВМРО-ДПМНЕ.

Можеби ќе ве интересира

НОВ ТЕМПЕРАТУРЕН ШОК ВО НАЈАВА – Синоптичарите излегоа со прогноза за следните 4 дена, чувајте се!

ДЕСК

Откако било пријавено дека на улица во Скопје има вооружени лица со автомати, отишла полиција која била нападната – Детали за ужасниот инцидент во кој се уапсени три лица

ДЕСК

МЕТЕОРОЛОЗИТЕ НАЈАВУВААТ НОВ ТОПЛОТЕН БРАН: “Здравство” излезе со вонредно соопштение за зголемени температури во следните неколку дена – да се почитуваат општите препораки за заштита на здравјето

ДЕСК