На 64 годишна возраст почина Амди Бајрам.
Бајрам според информациите починал во приватна клиника, неофицијално причината била проблеми со срцето.
Амди Бајрам е роден во Скопје во 1956 година и има завршено средно трговско училиште. Првпат станува пратеник во 1994 година, како член на Партијата за целосна еманципација на Ромите.
По две години, ја основа Сојуз на Ромите и е нејзин претседател. Тој е познат и по неговата изјава во 1998 година, кога победата на Бранко Црвенковски на парламентарните избори ја предвидува со „102 проценти“.
Бајрам од 1998 година до 2002 ја поддржуваше владата на ВМРО-ДПМНЕ предводена од премиерот Љубчо Георгиевски.
