Укинувањето на квотите и контролата во издавањето лекови во некои региони придонесе за намалување на потрошувачката на лекови дури за 30%, рече министерот за здравство Венко Филипче на емисијата Детектор на тв Сител.
Ова е една од реформите во фармацевтскиот сектор што дадоа големи резултати.
“Пациентите заслужуваат да имаат лесен пристап до лекови, а укинувањето на квотите за лекови на рецепт овозможи полесен и сигурен пристап до лекови. Со контролата во издавањето на лековите, се постигна намалување на потрошувачката на лекови дури и до 30% во некои региони. Во фармацевтскиот сектор се направија големи реформи, а новите квоти за лекови е една од нив, граѓаните имаат лекови во кој било ден од месецот, сите лекови се со сертификат”, појасни Филипче.
