Премиерот Христијан Мицкоски изјави дека очекува во понеделник Регулаторната комисија за енергетика да направи надолна корекција на цените на бензините и дизелот. Тој очекува движењата на енергетските пазари да придонесат и за стабилизирање на инфлацијата.
Станува збор за очекување на премиерот, а не за донесена одлука или загарантирано поевтинување. РКЕ ги пресметува цените според референтните цени на дериватите, курсот на доларот, даноците и другите елементи од методологијата.
