Фејсбук статус на министерот за здравство Венко Филипче:
За нецели две години, стапката на смртност на предвремено родени деца ја намаливме за повеќе од 50%. Во 2016 година процентот изнесуваше 25, во 2018та 16%, а за оваа година статистиката покажува дека процентот на починати предвремено родени бебиња изнесува 12%.
Во соработка со Владата на Република Северна Македонија, Фондот за население на Обединетите Нации (УНФПА) и Агенцијата за акредитација завршивме успешен заеднички проект. Спроведовме обуки на Универзитетската Клиника за гинекологија и акушерство и Клиничка болница во Тетово – гинеколошко/акушерско одделение, за ефективна перинатална грижа (ЕПГ) и брза проценка на родилиштата согласно со курикулумите и препораките на Светската здравствена организација.
Со овие обуки, спроведовме стандардизиран пристап во сите родилишта, обучен кадар, медикаменти и опрема и надградивме вкупно 15 акушерски и неонатолошки протоколи за најчестите состојби во перинаталниот период.
