На средба со партиски членови од ОО СДСМ Гостивар генералниот секретар Миле Зечевиќ вечерва истакна дека со СДСМ и државничките политики, земјата е стабилна а европската иднина на државата загарантирана.
– Со сите чекори што како партија ги преземаме во овие 10 месеци, но и со историските одлуки од независноста до денеска, ја обезбедивме македонската иднина. Со СДСМ и со коалицијата што ја предводи, со политичкиот концепт кој го реализираме, во земјата имаме политичка и внатрешна стабилноста. Граѓаните се безбедни и имаат сигурна иднина. Македонската европската иднина е загарантирана и затоа потребно е широко обединување зад овие вредности и државнички чекори, пред се за доброто на нацијата, посочи Зечевиќ.
Генералниот секретар Зечевиќ истакна дека покрај реализацијата на стратешките цели на државата, СДСМ, преку социјалдемократските политики на помош и солидарност, прави сè за побрзо и полесно надминување на последиците од кризата, тоа е препознаено од страна на граѓаните и затоа СДСМ повторно е на победничките патеки.
– СДСМ помина низ процес на внатрешна реорганизација, имаме нова регионална поставеност, но и кадровско освежување. Повторно СДСМ е победничка партија, потврда за тоа се вонредните избори каде што победивме. Во Маврово Ростуше и Центар Жупа имаме градоначалници од СДСМ и коалицијата. Правецот е вистински, секој треба да даде свој придонес, рече генералниот секретар на СДСМ, Миле Зечевиќ на средбите во Гостивар.
НАЈЧИТАНО НА ИНТЕРНЕТ...
