Товарен воз прегази мигранти кои лежеле на пругата кај Миравци

Воз прегази двајца мигранти на пругата меѓу Железничка станица Миравци и Железничка станица Клисура.

Според информациите, несреќата се случила ноќеска по 2 часот по полноќ, а мигрантите лежеле на пругата кога возот ги прегазил. Тие од здобиените повреди починале на самото место на несреќата.

Товарниот воз сообраќал на релација Железничка станица Гевгелија – Товарна Трубарево

Увид извршила увидна екипа од Полициска станица Гевгелија.