Претседателот на Владата Димитар Ковачевски после настанот на кој се означи крајот на подготвителните подготовки за почетокот на проектот за отстранување на линданот во кругот на фабриката ОХИС, во знак на солидарност зеде дел од опремата на новинарите и медиумските работници и заедно со нив пешачеше до влезот на фабриката каде што тие, според укажувањата на организаторите на настанот, мораа да ги паркираат своите возила.
Премиерот Ковачевски се солидаризираше со новинарските екипи откако тие реагираа дека, за разлика од возилата на членовите на владата, тие морале да ги остават возилата на влезот и да пешачат до местото на настанот носејќи ја снимателската опрема.
„Ако тоа ви предизвикало непријатност сакам да ви се извинам во име на организаторите, ќе проверам дали е тоа заради безбедноста на објектот, бидејќи ние моравме да носиме специјална опрема. Доколку бил направен превид и доколку не се косело со безбедносните стандарди тогаш ќе се потрудам тоа да не се случи во иднина“, им одговори премиерот Ковачевски на новинарите коишто реагираа.
НАЈЧИТАНО НА ИНТЕРНЕТ...
