Претседателот Стево Пендаровски изрази сочувство до семејствата на загинатите луѓе во трагичната несреќа што ноќеска се случи во Бугарија, а во која загинаа 46 луѓе.
„Во овие тешки мигови изразувам најдлабоко сочувство до семејствата и блиските на сите лица и наши сограѓани што ги изгубија своите животи и беа повредени во стравотната сообраќајна несреќа што се случи на територијата на соседна Бугарија.
Очекувам надлежните да спроведат целосна истрага, да се утврдат причините и одговорноста за трагедијата каква што не се памети во нашата понова историја.
Во деновите на жалост што следуваат посакувам мирен покој на душите на починатите и побрзо закрепнување на повредените“, порача Пендаровски.
