На вечерашната седница Владата донесе одлука за поништување на решенијата за кадровски промени и овластувања на екс-министерката за труд и социјална политика Рашела Мизрахи донесени на 14 февруари, на денот кога во Собранието на Република Северна Македонија беше покрената постапка за нејзино разрешување.
Мизрахи беше разрешена поради непочитување на Уставот. Нејзиното министерување од еден месец беше проследено со серија скандали како користење службени возила за партиски потреби,го вработи возачот на Диме Спасов кој лажно се претставил во полиција за да преземе вина за сообраќајката на поранешниот министер од ВМРО-ДПМНЕ Диме Спасов на 28 октомври 2016 година. Таа незаконски менуваше директори, а имаше случај кога не сакаше да одговара на новинарски прашања.
Капаче на се’ беше дипломатскиот скандал со Грција, кога таа реши да ја користи таблата со старото уставно име, непочитувајќи го новото, иако даде заклетва како министерка во Влада на Северна Македонија. По ова реагираше Грција со вербална нота до МНР, а за тоа веднаш реагирал до неа и премиерот Оливер Спасовски, по што таа ветила дека ќе се исправи грешката, но на прес конференција подоцна, веројатно поради политички поени рекла дека ќе плати казна, но нема да ја трга таблата.
Мизрахи на собраниска седница во саботата наутро беше разрешена од функцијата како техничка министерка предложена од ВМРО ДПМНЕ.
ВМРО ДПМНЕ како што дознава Centar.mk немале намера да предложат друго лице за министер за труд и социјална политика, со што повторно станува неизвесно оддржувањето на парламентарните избори кои требаше да се оддржат на 12-ти април, а собранието да се распушти најдоцна денеска (16.02.2020)
