Од полноќ стапија во сила нови, повисоки цени на горивата во Македонија, согласно одлуката на Регулаторната комисија за енергетика. Бензините ЕУРОСУПЕР БС-95 и ЕУРОСУПЕР БС-98 поскапуваат за два денари по литар, додека дизелот поскапува за еден денар.
Со новата одлука, максималната цена на ЕУРОСУПЕР БС-95 ќе изнесува 93 денари за литар, ЕУРОСУПЕР БС-98 ќе се продава по 95 денари, а ЕУРОДИЗЕЛ ќе достигне 100 денари за литар. Цената на екстра лесното масло за домаќинство останува 110 денари, додека мазутот ќе изнесува 55,573 денари за килограм.
Новите цени важат од 3 ноември 2026 година, од 00:01 часот. Просечното зголемување на малопродажните цени изнесува 1,55 проценти во споредба со претходната одлука, а во пресметката се вклучени и важечките мерки за намалени даночни и акцизни оптоварувања.
