Хрватската полиција продолжува со постапувањето по нацистичките и антисемитските скандирања во навивачката поворка пред натпреварот Хајдук–Ајакс. Според денешните информации, 14 лица се кривично пријавени, а десетмина сè уште се недостапни за полицијата.
Меѓу лицата по кои се трага е и Стипе Лекиќ, еден од познатите претставници на навивачката група Торцида. За тројца осомничени веќе е определен истражен затвор, а мерката е определена и за лицата што се недостапни. Сите лица имаат статус на осомничени додека не се утврди евентуална вина.
