Градските власти во Белград распишале јавни набавки за изградба на пет нови кружни текови, соопшти градоначалникот Александар Шапиќ. Два од проектите се однесуваат на Автокоманда, една од најоптоварените сообраќајни точки во српската престолнина.
Планот предвидува изборот на изведувачи да заврши до крајот на годинава, а главните градежни активности да започнат во 2027 година. Градските власти очекуваат со новите решенија да се подобри протокот на возила и да се намалат застојот и сообраќајниот метеж.
