Украински дронови нападнаа складиште за нафта во Лабинск во рускиот регион Краснодарски крај во текот на ноќта, предизвикувајќи пожар во објектот, објавува „Киев Индепендент“.
Непосредно пред нападот, руското Министерство за одбрана објави дека соборило 28 украински дронови над руска територија доцна на 15 март. Локалните власти сè уште не го коментираа нападот, а „Киев Индепендент“ не беше во можност независно да ги потврди извештаите во времето на објавувањето.
Лабинск се наоѓа околу 345 километри југоисточно од окупираниот Крим и приближно 500 километри од територијата контролирана од Украина во близина на Орихив во Запорошката област./Извор:Makfax
