Надворешната канцеларија за криминалистички работи Кочани поднесе кривична пријава против 41 годишен жител на Штип поради постоење основи на сомнение за сторени кривични дела кражба и соизвршителство во врска со оштетување и неовластено навлегување во компјутерскиот систем, како и против 35 годишен жител на Штип и 38 годишен жител на Кочани поради постоење основи на сомнение за сторено кривично дело соизвршителство во врска со оштетување и неовластено навлегување во компјутерскиот систем.
На 29.10.2025 година, од куќа на лице од Кочани, првопријавениот одзел паричник со пари, лични документи и платежна банкарска картичка. Потоа, картичката му ја дал на второпријавениот, кој заедно со третопријавениот од банкомат во Кочани извршиле три успешни трансакции од по 30.000 денари, односно вкупно 90.000 денари, а направиле и дополнителен обид за трансакција кој бил неуспешен.
