На 18 ноември 2025 година, околу 13:45 часот, на регионалниот пат меѓу селата Смоквица и Прдејци во гевгелискиот регион, товарно возило „фиат“ со скопски регистарски ознаки, управувано од 35-годишен маж од селото Добрејци, изгубило контрола и излетало надвор од патот.
Во незгодата тешки телесни повреди добиле возачот и 43-годишен сопатник од Струмица, додека 48-годишен сопатник од Струмица се здобил со полесни телесни повреди. Повредите биле констатирани во Здравствениот дом Гевгелија.
Увид на местото на несреќата извршила екипа од Полициската станица Гевгелија.
