11. септември 2025
Centar.mk – Вести, бизнис, забава, спорт…
СВЕТ

Италијанец пред 20 години направил скара во дворот и поради тоа се’ уште се тужат со соседот, отпочната нова постапка

Невообичаен спор меѓу две италијански семејства за скара која е премногу блиску до оградата продолжува и по 20 години, објавија денеска италијанските медиуми.

Судот во градот Тавернеле во провинцијата Виченца го врати овој случај пред Апелациониот суд во Венеција, пишува „Кориере дел Венето“.

Спорот започнал во далечната 2004 година кога семејството Тонин се обратило до судот во Виченца бидејќи им пречел чадот од скарата на нивниот сосед, за која велат дека била изградена премногу блиску до оградата меѓу двата имота.

Во 2007 година, првостепениот суд го одби барањето за уривање на скарата од тули, сметајќи дека не се работи за градба која би била опфатена со уредбата за урбанистичко планирање.

Наместо тоа, судот му наложи на семејството Коча-Монтеризис да најде начини да го намали количеството чад што е вознемирувачко.

Семејството Тонин ја обжали оваа одлука, за да го изгубат случајот повторно во 2019 година. Потоа двете семејства поднесоа жалба до Врховниот суд, кој сега нареди нова постапка, прифаќајќи ја жалбата на Тонин, со образложение дека скарата од тули мора да се смета и за „изградена структура“ и дека поради тоа подлежи на прописите за урбанистичко планирање./Извор:Makfax

Можеби ќе ве интересира

Борис Џонсон: Убиството на Чарли Кирк е знак за крајниот очај и кукавичлук на оние што не можеа да го победат на дебата

C +

Конгресот на САД одобри 342 милиона евра воена помош за Украина

C +

Сојузникот на Трамп убиен во атентат, ФБИ приведе осомничен, па го пушти

C +