19. октомври 2025
Centar.mk – Вести, бизнис, забава, спорт…
МАКЕДОНИЈА

ЦУК: 13 пожари на отворено, еден сѐ уште се води активен

Центарот за управување со кризи (ЦУК) информира дека имало вкупно 2 513 повици на Единствениот повикувачки број за итни случаи 112 во ЦУК, во последното деноноќие.

Од нив „реални“ повици биле 53,16%, а 46,84% биле за други потреби на граѓаните што не биле итни. Кон Полиција биле упатени 57,00%, кон Итната медицинска помош 20,50%, a кон пожарникарите 13,25% од реалните повици кон 112 во ЦУК.

Инаку, имало 1 214 повици за итни случаи на 112 за во ЦУК, што се вкупен збир од тие што биле за комбинирано решавање од „реалните“ повици (9,25%) и на тие што се именувани како „неитни повици“ (46,84%). Сите тие биле предмет на примање, на обработка во ЦУК, а и на директно координирање за нивно решавање со институции и служби во Системот за управување со кризи (СУК).

ЦУК информира дека имаше 13 пожари на отворено во последното деноноќие, 12 се изгаснати од пожарникарите и од нив активни утрово има само 1, во Општина Велес, помеѓу село Отишино и село Оризари (каде гори ниска вегетација) ТППЕ Велес интервенирале со 3ПП возила и 11 пожарникари и поради темнината се повлечени од теренот. Утрово ќе продолжат да дејствуваат согласно ситуацијата на теренот.

Една третина од вчерашните пожари на отворено биле на повик за гаснење депонии или ѓубришта, а од нив вообичаено се шири огнот и на поголем простор во околината. Вообичаено тие диви депонии се до населби и освен што од нив може да се прошири пожарот, дополнително опожарените диви депонии и ѓубришта го загадуваат амбиенталниот воздух, особено во градовите каде што е веќе загаден воздухот. Такви примери имаме на повеќе места, а вчерашен пример, од сношти, е хроничниот проблем со палење на дивата депонија „Вардариште“ во скопската Општина Гази Баба, за што граѓаните коишто гравитираат во тој скопски реон, со право реагираат дека многу често се пали и освен што опасност за пожари во околината, дополнително го загадува и воздухот во скопската котлина. ЦУК, покрај тоа што редовно ги известува надлежните служби и институции, апелира до граѓаните да не палат отпадоци и ѓубре на ова топло време и сува вегетација во природата, извести ЦУК./Извор:Makfax

Можеби ќе ве интересира

Сите гласови од немоќните, болните и затворениците се запечатени во посебни коверти и гласачка кутија, истата се отпечатува дури во недела во 19 часот кога ќе бидат затворени гласачките места низ Републиката

ДЕСК

Утре се слави Светиот апостол Тома

ДЕСК

Закани кон членови на Избирачки одбори и вработени од кандидат за градоначалник – обвинува политичка партија

ДЕСК