„Нека не ве лажат кога ви кажуваат дека глас за ЗНАМ е глас за социјалдемократска партија или дека тоа не е против СДСМ. Така лажеа пред првиот круг, така веќе не може да лажат. Послеедниве два дена паднаа маските и станува јасно дека глас за ЗНАМ е глас за ВМРО-ДПМНЕ“ рече носителот на листата во ИЕ4 од СДСМ и Коалицијата за европска иднина, Венко Филипче на митингот во Неготино.
Тој додаде дека со гласањњето на ЗНАМ се прави поделба на социјалдемократите и на прогресивните и се слабее СДСМ, на сметка на ВМРО-ДПМНЕ.
„На тој начин не се казнува СДСМ, само се наградува ВМРО-ДПМНЕ да владее без контрола и разум“ рече Филипче.
Тој додаде дека никој не сака да ја види СДСМ на колена, а ВМРО-ДПМНЕ разулавена и без контрола, бидејќи сите добро знаат што се случува кога ВМРО-ДПМНЕ е без контрола.
„Стануваат насилни, владеат со страв и уцени, ги користат новите партии како ЗНАМ и ги елиминираат кога не им се веќе потребни. Одговорни сме тоа да го спречиме“ рече Филипче.
НАЈЧИТАНО НА ИНТЕРНЕТ...
