5.8 C
Скопје
27. февруари 2024
Centar.mk – Вести, бизнис, забава, спорт…
+МАКЕДОНИЈА

Ковачевски: Без СДСМ нема европска Македонија

Без СДСМ нема Европска Унија, нема Европска Македонија, тоа го потврдиле 32 –те години во државата, рече претседателот на СДСМ, Димитар Ковачевски денеска во одговор на новинарско прашање.

-Ние сме имале Влади коишто ги предводеле ДПМНЕ, коишто не направиле еден милиметар кон било која интеграција. 11 години никакво подобрување на односите со соседите, напротив влошување, никакво подобрување на етничките односи во државата, напротив влошување.

Исчекорот на добивање на кандидатски статус, на зачленување во НАТО, на отпочнување на преговорите со ЕУ, на релаксирање на односите со соседите, на признавање на автокефалноста на Македонската Православна Црква, се тоа се случува во мандати кога Владата е предводена од премиери кои доаѓаат од редовите на Социјалдемократскиот сојуз на Македонија, рече Ковачевски.

Затоа граѓаните не треба да се грижат СДСМ ќе биде секогаш тука, додаде тој.

-СДСМ секогаш е тука за подобрување на животниот стандард, за интеграција на државата во најголемите безбедносни и економски сојузи, за зајакнување на односите со соседите и секако за зајакнување на врските со нашите стратешки партнери. Вие погледнете ги изјавите, пример на високите претставници на САД е виз-а-ви СДСМ или ВМРО ДПМНЕ и се ќе ви стане јасно, рече Ковачевски.

Апсолутно дека постои европски фронт, потенцираше Ковачевски надополнувајќи дека има мнозинство во парламентот кое се залага за евроинтеграција во државава и дека не може европската интеграција на државата да ја ограничиме на еден човек, тоа дали г-динот Таравари поминал од власт во опозиција.