Министерството за внатрешни работи ги известува граѓаните на Скопје дека со почеток во 16.30 часот, поради одржување меѓународна ноќна атлетска трка, со наслов „Низ улиците на Скопје 2023“, во организација на Атлетската федерација на РСМ, ќе преземе мерки за посебен режим на сообраќајот на сообраќајниците на централното подрачје на град Скопје.
Трката ќе се одвива со траса на движење од Порта „Македонија“, плоштадот Македонија, улицата Никола Вапцаров, па лево по улицата Димитрие Чуповски, потоа десно по улицата 11 Октомври, лево по улицата Филип Втори Македонски, повторно лево по пристапната улица на ГТЦ и десно до целта кај Порта „Македонија“ во Скопје.
Од тие причини, од страна на Единицата за безбедност на патниот сообраќај, сообраќајот ќе се пренасочува по околните сообраќајници. За таа цел, МВР апелира до граѓаните да ги почитуваат наредбите што ги издаваат полициските службеници на сообраќајниците на кои ќе се одвива трката.
