Во засилена сообраќајна контрола спроведена на територијата на Македонија, полициските службеници санкционирале 145 возачи поради непрописно престигнување. Дополнително биле регистрирани 271 сообраќаен прекршок од други видови, информира Министерството за внатрешни работи.
Акциската контрола била реализирана на 15 ноември, од 12 до 18 часот, од страна на Секторот за сообраќајни работи. Целта била откривање возачи што преземаат ризични маневри при престигнување и ја загрозуваат безбедноста на другите учесници во сообраќајот.
МВР соопшти дека за утврдените прекршоци се преземени законски мерки. Од Министерството најавуваат продолжување на засилените контроли и апелираат возачите да престигнуваат само таму каде што тоа е дозволено и безбедно.


