Времето денеска ќе биде сончево и топло на повеќе места со засилен ветер од јужен правец (наместа над 60 км/ч). Во ноќните часови кон недела ќе има преодно дестабилизирање со локален пороен дожд и ретки грмежи. Минималната температура ќе биде во интервал од 7 до 17, а максималната ќе достигне од 24 до 29 степени, информираат од УХМР.
Во Скопје сончево со мала до умерена облачност. Ќе дува умерен до засилен ветер од југоисточен правец. Минималната температура ќе се спушти до 12, а максималната ќе достигне до 27 степени.
До средината на следната седмица ќе се задржи стабилно и релативно топло време.
