16. септември 2025
Centar.mk – Вести, бизнис, забава, спорт…
МАКЕДОНИЈАТОП ВЕСТИвест

Фон дер Лајен: Се надевам дека сите страни ќе ги поддржат уставните амандмани за придвижување на земјата на европскиот пат

Претседателката на Европската Комисија Урсула фон дер Лајен се надева дека уставните амандмани во Собранието на Северна Македонија ќе бидат поддржани од сите страни со цел придвижување на државава на европскиот пат.

Го поздравив поднесувањето на уставните амандмани од неговата Влада (Ковачевски) во Парламентот. Се надевам дека сите страни ќе ги поддржат, Северна Македонија да се придвижи напред на европскиот пат. Северна Македонија припаѓа во ЕУ, напиша на социјалната мрежа X (Твитер) Фон дер Лајен по неформалниот состанок на лидерите од Западен Балкан и ЕУ во Атина по повод 20-годишнината од Солунската агенда за ЕУ перспективата на Западен Балкан.

Фон дер Лајен во Атина се сретна со премиерот Димитар Ковачевски, кој во изјава рече дека разговарале за европската перспектива на Северна Македонија и изразиле задоволство што е започнат процесот за уставните измени.

-Процесот започна успешно и се надевам, исто како што и ЕУ се надева, дека во нашето Собрание ќе има визија и ќе има храброст пратениците да донесат една важна одлука која што се однесува на продолжување на европската интеграција на Северна Македонија во Европската Унија, објасни Ковачевски.

Можеби ќе ве интересира

Безбедносните служби не се играчка: Филипче го предупредува Мицкоски да престане да ја злоупотребува државата за политичка драма

C +

Филипче: Мицкоски злоупотребува безбедносни институции за да ги прикрие кризите, ова е преседан

C +

Костова за Фактор.мк: Граѓаните живеат тешко, ДПМНЕ и Мицкоски со прст не мрднаа да им помогнат

C +