Американскиот мултимилијардер Илон Маск повторно ја врати титулата најбогат човек на светот, објави „Форбс“. Маск се искачи на првото место благодарение на зголемувањето на акциите на „Тесла“.
Неговото богатство денеска се зголеми за уште 4,1 милијарди долари, односно за повеќе од 1,75 отсто и сега изнесува 240,7 милијарди долари.
Акциите на „Тесла“ утрово се зголемија за повеќе од 2,5 отсто на нешто повеќе од 266 американски долари. Тоа беше закрепнување по остриот пад на вредноста на акциите минатата недела. Нето вредноста на Маск сега ја надмина онаа на Бернар Арно, извршен директор на францускиот производител на луксузни производи LVMH.
Луј Витон, Кристијан Диор и Тифани се во сопственост на LVMH. Нето вредноста на Арно денеска потона за 2,4 милијарди долари, или повеќе од 1 отсто, на 234,9 милијарди долари. Сето ова се случи поради падот на вредноста на акциите на LVMH.
Инаку, Маск вчера ги претстави долгоочекуваните промени на Твитер, социјалната мрежа што ја купи во октомври минатата година за 44 милијарди долари. Тој го смени логото на компанијата од сина птица во буквата „Х“. Рече дека споменатата буква за него има посебно значење.
НАЈЧИТАНО НА ИНТЕРНЕТ...
