„Овие уставни измени јасно ќе ја диференцираат македонската политичка сцена на два блока. Едниот е проевропскиот блок кој е спремен со добри примери и практики да споделува европски вредности и да ја интегрира државата во ЕУ и еден политички блок кој ќе застане против интеграцијата на државата“ рече градоначалникот на Струмица, Костадин Костадинов во „24 анализа“ на ТВ24.
Тој додаде дека ги осудува сите испади на одредени бугарски политичари кои ги повредуваат македонските национални чувства.
„Не смееме да заборавиме и да ги заспоставиме позитивните примери од односите со Бугарија. Струмица се збратими со бугарска општина, каде во Бугарија ни е признаен македонскиот јазик и македонската посебност. Тоа е пример како се споделуваат европски вредности“ рече Костадинов.
Тој додаде дека сега е моментот кога треба да се донесе одлука и да се изгласаат уставните измени, а не да се политизира бидејќи влегуваме во Унија во која компромиисот е една од освноните алакти при одлучување.
ПОПУЛАРНО НА ИНТЕРНЕТ...
