16. октомври 2025
Centar.mk – Вести, бизнис, забава, спорт…
МАКЕДОНИЈА

Пендаровски се сретна со претставници на Македонската горанска заедница

Претседателот Стево Пендаровски денеска ги прими претставниците на Македонската горанска заедница од Косово, Авнија Рахте и Аце Димоски.

На средбата се разговараше за активностите на Македонската горанска заедница со цел унапредување на животните услови и правата на македонската заедница во Косово, зачувување на нивниот етнички, јазичен и културен идентитет како и за заложбите за интеграцијата на Македонците во политичкиот систем и институциите на власта во Република Косово.

Претседателот Пендаровски го поздрави нивното активно делување во насока на афирмација на македонската традиција, култура и обичаи, и институционалната соработка што ја остваруваат со косовските власти.

На средбата се разговараше и за тековните предизвици и проблеми со кои се соочува заедницата на Македонци во афирмација на нивниот идентитет, а кои се последица на делувањето на странски пропаганди.

Можеби ќе ве интересира

АХВ се вклучи во одбележувањето на 16 октомври Светски ден на храната

ДЕСК

СВР Битола со АПЕЛ до граѓаните да не наседнуваат на телефонски измами за лажни сообраќајни несреќи

ДЕСК

ПОДГОТВЕТЕ СЕ ЗА ОБИЛНИ ВРНЕЖИ ОД ДОЖД – Објавено метео предупредување

ДЕСК