Поради градежни активности на повеќе делници од патниот правец Кичево – Охрид, сообраќајот продолжува да се одвива со привремени девијации. АМСМ ги повикува возачите да ја почитуваат поставената сигнализација и да ја приспособат брзината на условите на патот.
Посебен времен режим е воведен и на делот Пресека – Песочан до клучката Арбиново, каде што се изведуваат работи за санација на левиот коловоз.
Дополнителни привремени режими се применуваат и на други делници од државната патна мрежа. Пред патување, возачите можат да добијат информации од АМСМ на телефонскиот број 15-555.


