Четири лица се повредени откако автомобил „Шкода“ вчера вечерта удри во полициски возило на автопатот Куманово – Табановце.
Министерството за внатрешни работи денеска информира за деталите за несреќата.
-На 21.02.2023 околу 20.50 часот во СВР Куманово било пријавено дека на автопатот Куманово – Табановце, патничко моторно возило „шкода фелиција“ со кумановски регистарски ознаки, управувано од С.Б.(41) од село Никуљане, Куманово, удрило во службено возило на МВР, кое било паркирано поради вршење на увид за друг настан. Во незгодата, со телесни повреди се здобиле возачот на возилото „шкода“, сопатниците Р.Б., АБ, и еден малолетник, констатирани во Општа болница Куманово, информира МВР.
Екипа од СВР Куманово извршила увид на место на настанот. Сообраќајот на дел од автопатот беше во прекин до завршување на увидот.
