18. октомври 2025
Centar.mk – Вести, бизнис, забава, спорт…
МАКЕДОНИЈА

Мицкоски: Криминалните политичките елити од СДСМ и ДУИ се заштитени како бела мечка, идната влада на ВМРО-ДПМНЕ ќе се бори со криминалците

Ветуваа живот и борба со корупцијата, а во суштина донесоа историски најголема корупција, вели претседателот на ВМРО-ДПМНЕ, Христијан Мицкоски, за извештајот на меѓународната организација World Justice Project за мерење на индексот на владеењето на правото во државата.

Мицкоски смета дека високиот степен на криминал и корупција, како и невладеењето на правото во државата, се причина поради која граѓаните не гледаат надеж и се иселуваат од државата укажувајќи дека одредена политичка елита, која е блиска до Владата на ДУИ, поддржана од СДСМ, е заштитена како бела мечка.

Јасно се гледа дека корупцијата и криминалот во Македонија, како и невладеењето на правото практично се клучните проблеми зошто имаме и економска стагнација и зошто луѓето се иселуваат и губат надеж дека не може да биде подобро бидејќи очигледно е дека имаме определена политичка елита која арбитрира околу Владата на ДУИ, поддржана од СДСМ, и таа е практично заштитена како бела мечка што и да направи, каков било криминал, таа останува заштитена. И тоа предизвикува чувство на разочарување кај луѓето, а тоа чувство на разочарување се префрла потоа и во перцепцијата и во амбиентот во општеството, посочи тој.

Од ова рангирање може да забележите дека ако се споредат два периода, 2015 и 2022 година, ќе видите дека кога станува збор за корупцијата, таа е двојно влошена. Нели ветуваа живот и борба со корупцијата, а во суштина донесоа историски најголема корупција и доколку се забележи втората ранг-листа, тоа е ранг-листата за владеење на правото, ќе видите дека Македонија се наоѓа од 60-тото место, мислам дека беше, ако не се лажам 66-тото, а во 2015 година била на 40-тото место, што значи дека и тука за повеќе од 50-ина проценти е влошена перцепцијата, односно состојбата со владеењето на правото, рече Мицкоски.

Мицкоски потенцира дека идната влада на ВМРО-ДПМНЕ, која, освен реализирање на проектите, одлучно ќе спроведе борба против криминалот и корупцијата, како и криминалците во политиката.

За жал, имаме состојба во која владее корупцијата, а не владее правото, и владеат заштитени политички елити на Владата на ДУИ, поддржана од СДСМ. Но, набргу од денес ќе дојде една друга влада предводена од ВМРО-ДПМНЕ, која мотивирано, покрај реализирање на ветеното, ќе се впушти во одлучна борба со криминалот и корупцијата и криминалците во политиката, дециден е претседателот Мицкоски.

Можеби ќе ве интересира

Сите гласови од немоќните, болните и затворениците се запечатени во посебни коверти и гласачка кутија, истата се отпечатува дури во недела во 19 часот кога ќе бидат затворени гласачките места низ Републиката

ДЕСК

Утре се слави Светиот апостол Тома

ДЕСК

Закани кон членови на Избирачки одбори и вработени од кандидат за градоначалник – обвинува политичка партија

ДЕСК